Женската ракометна репрезентација на Македонија сака да се врати на Светските првенства по пауза од 18 години, а последна пречка до учеството е бараж-дуелот против селекцијата на Полска.
Првиот меч се игра вечерва, во полскиот град Кошалин, додека реваншот е во сабота, во спортската сала „Боро Чурлевски“ во Битола.
Според квотите во Sport Life, Полска е голем фаворит вечерва, со квота за победа од 1.12, но доколку верувате во нашите ракометарки, тогаш квотата за победа на Македонија е фантастична, 9.00.
Македонија и Полска имаат одиграно 11 меѓусебни дуели, четири од официјален карактер и седум пријателски. Вкупниот биланс е четири победи на Македонија, едно реми и шест победи на Полска. Последен пат игравме во 2017 година на Трофеј Карпати, кога загубивме со 32-25.
Во официјалните дуели имаме само една победа, на Светското првенство во 1997 година, кога славевме со 36-34, додека последниот официјален меч го одигравме на Европското првенство во 2006 година, кога бевме поразени со 35-33.
