Женската ракометна репрезентација на Македонија со пораз на гостувањето кај Германија го отворија циклусот квалификации за пласман на Европското првенство 2026.
Нашите ракометарки загубија со 34-18 од фаворитот во нашата група, а единственото водство го имавме на стартот од мечот кога од пенал погодивме за 1-0. И вториот наш гол беше од пенал, а за гол од игра чекавме се до 17-тата минута, кога противникот имаше убедливи 7-2.
Со две мини-серии се вративме на 8-6 и на 9-7, но Германките до полувремето дојдоа до убедливи 14-8.
На почетокот од второто полувреме се вративме на 15-11 и имавме напад за -3, но домашните беа тие кои диктираа темпо, а нивната предност постојано растеше до крајот на мечот. Во финишот Германките првпат дојдоа и до двоцифрена предност, 28-28, а со серијата од 8-0 ни нанесоа и дебакл на стартот од квалификациите.
Ако е за утеха, нашата Емилијана Ризоска беше најефикасна на мечот со осум гола.
Ракометарките следниот натпревар од квалификациите за пласман на Европското првенство 2026 ќе го одиграат во недела, кога во Битола ќе гостува селекцијата на Словенија.
