Ракометарот на Пелистер, Нејц Цехте, кој е репрезентативец на Словенија, се здоби со сериозна повреда на денешниот натпревар против Аргентина.
Цехте при обид да постигне гол, доби силен удар во пределот на ‘рбетот од противнички играч, по што падна на теренот. Медицинскиот тим му укажуваше помош повеќе од десет минути, а потоа беше изнесен на носилки од теренот.
Сѐ уште нема официјални информации за состојбата на Цехте, но тој е пренесен во болница, каде што ќе му бидат извршени детални лекарски прегледи.
Отсуството на Цехте би било сериозен удар за Пелистер во вториот дел од сезоната како на домашната сцена така и на меѓународен план.
