Поранешниот француски репрезентативец и член на генерацијата која во 2018 година стана светски шампион, Адил Рами, ја коментираше сензационалната изјава на напаѓачот на Ал-Наср, Кристијано Роналдо, кој рече дека саудиското првенство е посилно од француската Лига 1.
„Тој зборува глупости. Дали сакате да ви покажам слики од дефанзивците во Саудиска Арабија? Само затоа што има луда кариера не значи дека секоја работа што ќе ја каже е вистина. Мислам дека ова е трик за публицитет. Обидете се да играте против Монако, Лил, Марсеј или Брест. Ставете го Роналдо против дефанзивците од Лига 1, тие ќе го изедат. Јас сум фан на Кристијано, но тој греши кога вели дека саудиската лига е подобра од француската, проблемот е што многумина го слушаат тоа“, вели Рами.
