Шпанскиот фудбалер Серхио Рамос во следната сезона би можело да заигра во Саудиска Арабија, каде што веќе неколку месеци главна ѕвезда е Кристијано Роналдо, пренесува весникот „Ас“. Рамос и Роналдо речиси една деценија беа соиграчи во Реал Мадрид и заедно освоија многу трофеи, а сега може да бидат ривали во првенството на Саудиска Арабија.
Првите најави беа дека екипата на Ал-Хилал прво понудила 30 милиони евра по сезона за Рамос да дојде во клубот во следните две сезони, а подоцна таа понуда се зголеми на 50 милиони евра по сезона за легендарниот дефанзивец.
Планот на Саудиска Арабија е да собере што е можно повееќе светски фудбалски ѕвезди во нивното првенство и тие да лобираат за добивање на организацијата на Светското првенство во 2030 година, кога и ќе се слави 100 години од првиот Мундијал одигран во Уругвај.
Рамос е играч на ПСЖ, но неговиот актуелен договор истекува на крајот од сезоната.
Could Ramos follow Cristiano’s money trail?https://t.co/vdy5xlPcJq
— AS USA (@English_AS) March 30, 2023
Планот е Саудиска Арабија да се кандидира за добивање на организацијата на Мундијалот во 2030 година заедно со Египет и Грција.
