Шпанија очекува вечерва да го обезбеди местото на завршницата на Фајнл форот во Лигата на нациите. „Црвената фурија“ на свој терен во Севилја игра против Англија и доволно е да одигра нерешено за да може и теоретски да биде на првата позиција во групата каде што се уште и Англија и Хрватска.
Капитенот на Шпанија, Серхио Рамос, верува дека целата работа ќе биде завршена по вечерашните 90 минути, иако знае дека Англија е опасен ривал. Рамос посебно во фокусот го стави Хари Кејн, против кого водеше голема битка и во Лигата на шампионите, на дуелите меѓу Реал Мадрид и Тотенхем.
„Кејн е фантастичен напаѓач. Одлично подготвен и физички и технички. Сепак, нема да дозволам да ме изненади, бидејќи добро се подготвив за него. Знаеме дека ќе биде многу тешко бидејќи против себе имаме тежок ривал, но верувам во нашите квалитети“, рече Рамос пред денешниот дуел.
По две одиграни кола, Шпанија има шест бода, додека Англија и Хрватска се само со по еден бод.
