Фудбалерите на Пари Сен Жермен по синоќешниот пораз од Баерн Минхен, иако не беа расположени, отидоа да им отпоздрават на своите навивачи, но Серхио Рамос како да беше најнервозен, а својот бес го истури врз двајца фоторепортери.
Шпанскиот ветеран, кој статистички беше еден од подобрите кај ПСЖ, покажа дека има „краток фитил“, што се докажува и со една снимка која се појави на социјалните мрежи.
Некогашниот капитен на Реал Мадрид прво влезе во расправа со еден фоторепортер, кој случајно го поткачи. Потоа се вмеша уште еден фоторепортер, а Рамос силно го турна и човекот „летна“ бидејќи не очекуваше таква реакција.
Sergio Ramos was caught on camera pushing a photographer last night after PSG's defeat to Bayern Munich.pic.twitter.com/oO9TNe8NJ6
— Football España (@footballespana_) February 15, 2023
