Екипата на Севилја продолжува со разочарувачките резултати сезонава и загуби на домашен терен од Атлетик Билбао со 0:2. За Севилја ова беше четврти пораз во последните пет кола, па тимот од Андалузија падна на 16-тото место на табелата само со 16 бода од 19 меча.
По поразот од Атлетик Билбао, домашните навивачи беа многу разочарани и лути, па дофрлуваа забелешки кон домашните фудбалери. Серхио Рамос, кој сезонава се врати во својот матичен клуб додека даваше телевизиска изјава, почна да се расправа со еден навивач кој негодуваше.
„Покажи малку почит. Гледаш дека разговараме. Почитувај ги луѓето и овој амблем. Почитувај ги луѓето и заќути. Бегај од тука“, викаше Рамос кон навивачот, прекинувајќи ја изјавата за телевизијата.
"¡TEN UN POCO DE RESPETO! ¡RESPETA A LA GENTE!”
¡Qué enfado de Sergio Ramos!#LALIGAenDAZN ⚽️ pic.twitter.com/n0T2aRNBEa
— DAZN España (@DAZN_ES) January 4, 2024
Ваквиот начин на прекин на интервју за да се расправа со навивач на Балканот најмногу асоцира на легендарниот Дејан Савичевиќ. Додека го носеше дресот на СР Југославија, на Савичевиќ му дофрли еден хрватски навивач, а потоа следуваше одоговрот на популарниот Дејо.
