Клаудио Раниери може да се пофали со успешна авантура во Англија, бидејќи како тренер на Лестер успеа да стигне до шампионската титула, иако овој клуб никогаш не беше меѓу фаворитите за трофејот. По неверојатниот успех со Лестер, тој беше тренер на Нант, Фулам, а кратко време помина и на клупата на Рома.
Сега Раниери е пред нов предизвик во Серија А. Според најавите од Италија, екипата на Сампдорија постигнала договор со Раниери да биде на чело на екипата до крајот на сезоната. Стратегот има богата кариера во Италија, бидејќи бил тренер и на Јувентус, Интер, Парма, Фиорентина, Наполи и Калјари. Надвор од Италија бил на чело на Валенсија, Челзи, Монако, а беше и селектор на Грција.
Сампдорија е на дното на табелата во Серија А. По седум одиграни кола, Сампдорија има само три бода, што значи дека Раниери го чека тежок предизвик да успее да го спаси клубот од Џенова да не испадне од Серија А.
