Евертон на најдобар можен начин го оправда незаинтересираниот пристап од првото полувреме против Барнли, па само за седум минути играчите на Рафа Бенитес остварија пресврт и дојдоа до победата од 3-1 за огромна радост на „Гудисон парк“.
За да се случи рапсодијата, потребно беше Бен Ми да ги шокира домаќините со голот во 53-тата минута, по кој Барнли поведе, а набрзо потоа Евертон се разбуди и го покажа напаѓачкиот квалитет.
Израмни Кин во 60-тата минута, а само пет минути подоцна, Таунсенд во свој стил со велемајсторија од далечина го најави пресвртот. Веќе во следниот напад, односно 60-тина секунди подоцна, Греј го искористи празниот простор пред противничкиот гол и го постави конечниот резултат. Победата можеше да биде поубедлива со оглед на тоа дека Докуре веќе во 68-мата минута заби уште еден гол, но сантиметарски офсајд го спречи да се радува.
Евертон по четири кола е на делба на првото место со Манчестер јунајтед, Челзи и Ливерпул со по 10 бода, додека пак Барнли е петтиот тим по Саутхемптон, Лидс, Њукасл и Норвич, кој сé уште нема запишано победа во новата сезона од англиското првенство.