Комплетниот хаос на Барселона и на мечот со Атлетико Мадрид, но и воопшто најдобро го илустрира моментот од второто полувреме, кога Жорди Алба се подготви да влезе во игра, но не доби шанса, па се изнервира.
Роналд Куман поради казната од два меча диригираше од трибините на „Ванда Метрополитано“, но очигледно расипани се телефоните кај Барса, па дојде до недоразбирање.
Алба се загреваше и беше подготвен да истрча на теренot како замена, па потоа му беше соопштено да се врати на клупата за резерви.
Тоа предизвика нервоза кај бекот на Каталонците, а целата ситуација е комична.
Alba’s reaction to not being subbed on versus Atlético. from soccer
Барселона лесно крена бело знаме во Мадрид и загуби од Атлетико со 2:0, што и е втор пораз по ред без постигнат гол.
Куман иако е пред отказ, засега останува тренер на Барселона, најмногу поради беспарицата во клубот бидејќи во случај на отказ, Каталонците ќе треба да му исплатат отштета од околу 12 милиони евра.
