Дисциплинската комисија на Евролигата неполни 24 часа по срамната тепачка во Мадрид поради која предвреме заврши мечот од плејофот меѓу Реал и Партизан, ја донесе одлуката и неа не ја чекаа само кошаркарите на двата тима, туку и останатите учесници во елитното натпреварување.
Веднаш откако се дозна дека кошаркарите на Реал Мадрид Гершон Јабуселе и Габриел Дек, се суспендирани на пет, односно на еден меч, а играчите на Партизан, Кевин Пантер и Матијас Лесор ќе се ладат на два, односно на еден натпревар, реакции пристигнуваат од речиси сите страни.
Меѓу првите кои се огласи на социјалните мрежи е кошаркарот на Макаби Тел Авив, Вејд Болдвин, кој е зачуден зошто не е суспендиран иницијаторот за тепачката, Серхио Љуљ. Љуљ со грубиот прекршок над Пантер, го предизвика хаосот.
„Уфф, недостасува еден. Тој што го започна целото ср*ње“, напиша Болдвин на својот профил на Твитер.
Wade Baldwin reacts via @Eurohoopsnet IG to Sergio Llull not getting a suspension following last night’s fight: pic.twitter.com/tuV5rYdFIe
— Dionysis Aravantinos (@AravantinosDA) April 28, 2023
