Реал Мадрид повеќе од 90 минути се мачеше да ја матира одбраната на Атлетик Билбао и на крајот тоа се случи во 90+3 минута. Федерик Валверде со прекрасен силен шут успеа да ја затресе мрежата на Атлетик и да донесе голема радост за навивачите на Реал Мадрид на стадионот „Сантијаго Бернабеу“.
Со оваа победа Реал повторно се доближи на четири бода зад лидерот Барселона и остана во трка за титулата во шпанското првенство. На трибините на стадионот во Мадрид синоќа беше и најтрофејниот тенисер на сите времиња, Новак Ѓоковиќ.
Србинот се израдува кога Валверде постигна погодок, а неговата реакција стана вирална.
Погодокот на Валверде навистина беше спектакуларен, а посебно е вреден бидејќи донесе победа на кралевите. Во следното коло Реал гостува кај градскиот ривал Хетафе, а Барселона на свој терен игра против Мајорка.
