Екипата на Ливерпул синоќа забележа победа со пресврт на гостувањето во Австрија, откако на полувремето губеше со 1-0 од ЛАСК Линц, а на крајот победи со 1-3. На прес-конференцијата по натпреварот, новинарите искористија прилика да го „пецнат“ тренерот на Ливерпул за голот кој го постигна Џуд Белингам во 94-тата минута за победа на Реал Мадрид над Унион Берлин.
Реакцијата на Клоп ги насмеа сите. Тој само кусо рече: „Белингам“ и се насмевна.
Познато е дека Џуд Белингам беше голема желба на Ливерпул и беше многу блиску до трансфер на „Енфилд роуд“. Сепак, на крајот се одлучи да се пресели во Реал Мадрид, а навивачите на Ливерпул, но и Јирген Клоп, останаа разочарани од ваквата негова одлука.
⚽😂 Klopp reacciona al gol de Bellingham en plena rueda de prensa pic.twitter.com/3TBGdzW35d
— Diario AS (@diarioas) September 21, 2023
