Шпанскиот гигант Реал Мадрид исфрли еден навивач пред почетокот на натпреварот против Бенфика.
Во директен пренос пред натпреварот Реал Мадрид – Бенфика, еден навивач направи нацистичкиот поздрав, што брзо се прошири на социјалните мрежи.
Реал Мадрид веднаш по натпреварот издаде соопштение во кое потврди дека навивачот веднаш бил исфрлен од трибините и од стадионот, и против него ќе биде покрената постапка, бидејќи станува збор за „социос“, односно член на клубот.
Двомечот меѓу Реал Мадрид и Бенфика се одигра со многубројни навреди упатени кон Винисиус јуниор, па Кралскиот клуб знаеше дека и реваншот ќе биде под посебен мониторинг од јавноста и од УЕФА, па токму затоа веднаш ја презеде оваа ригорозна мерка.
Се најавува дека Реал Мадрид трајно ќе му забрани пристап до трибините на „Сантијаго Бернабеу“.
