Реал Мадрид ја освои рекордната 36-та титула во Шпанија, откако вечерва ја победи Барселона со 81:74 и ја заврши финалната серија со 3:1 во победи против вечниот ривал.
Последниот период што домаќините го добија со 24:18 го одлучи и победникот на четвртиот меч и беше клучен за блескав триумф на Реал во финалната серија во баскет „Ел Класико“.
Репрезентативецот на Зеленортските острови, Валтер Тавареш беше најефикасен на мечот со 25 поени, а блескаше и под обрачите со 13 скока.
Фабиен Козер постигна 17 поени за Реал и беше втор стрелец на мечот што му донесе нов пехар на најтрофејниот европски и шпански клуб.
Сезонава Реал ја победи Барселона и во полуфиналето во Евролигата, но потоа не успеа да стане европски првак, по поразот од Ефес, но шпанската титула ќе ги зацели раните.
Никола Миротиќ со 14 поени и Данте Ексум со 13 беа најдобри поединци кај Барселона, која не успеа да ја освои јубилејната 20-та шпанска круна.
