Како што пишуваат шпанските медиуми, Реал Мадрид е заинтересиран за услугите на Дани Олмо од екипата на Лајпциг. Шпанскиот репрезентативец има договор со Лајпциг до летото 2024 година и Реал сака тоа да го искористи и да го донесе по пониска цена.
Сепак, тука се поставува прашањето на која позиција би играл Олмо во Кралскиот клуб. Реал Мадрид преферира 4-3-3 тактика, а Олмо во оваа формација може да игра дури на три различни позиции. На левата крилна позиција стандарден е Винисиус и тешко дека би го зазел неговото место. Поранешниот играч на Динамо Загреб може да игра и во нападот, но само како лажна деветка бидејќи додека е тука Бензема, тешко дека може да му фати место во првата постава.
Третата позиција е на местото во средниот ред, каде што во моментов игра Лука Модриќ. Со оглед на годините на Хрватот, најлогички е овие двајца играчи да се борат за место во првата екипа, но само доколу Олмо потпише за Реал Мадрид ова лето. Доколку тоа се случи по истекот на неговиот договор со Лајпциг, тоа би значело дека тој ќе биде замената на Лука Модриќ во дресот на Реал Мадрид.
