Реал Мадрид планира да го промени името на легендарниот стадион „Сантијаго Бернабеу“, пренесува шпанскиот весник „Марка“. Стадионот ќе го носи само презимето на поранешниот фудбалер и претседател на клубот, па ќе се вика едноставно „Бернабеу“.
Како што се наведува, причините за оваа промена се поврзани со трговски и маркетиншки цели. Процесот веќе е започнат, а промената е видлива на неколку нивоа. Официјалниот веб-сајт на стадионот го носи името „Бернабеу“, исто како и профилот на „Инстаграм“.
🚨 BREAKING: Real Madrid have decided to change the name of their stadium:
— Madrid Xtra (@MadridXtra) December 26, 2024
‘Santiago’ will be removed, it will be called ‘The Bernabéu’. @marca pic.twitter.com/SB7seTSBCd
Туристичката тура низ стадионот е наречена Tour Bernabeu, а макетите и сувенирите на стадионот исто така го изоставуваат името „Сантијаго“.
Се смета дека оваа промена има цел да создаде модерен имиџ за стадионот, а пократкото име ќе овозможи и полесно склучување спонзорски договори. Постои можност во иднина стадионот да го носи и името на некоја голема светска компанија, по примерот на други европски клубови.
По реконструкцијата, стадионот нуди нови можности за различни настани, како концерти, гала-вечери и конференции, што значително го зголемува финансискиот приход на Реал Мадрид.
