Реал Мадрид конечно, дури во четвртото полувреме, успеа да постигне гол од игра во Лигата на шампионите. „Кралевите“ го победија Марсеј (2-1) со два гола од пенал, а имаа водство на полувремето против Каират од 0-1 повторно со гол од пенал на Килијан Мбапе.
Сепак, во второто полувреме на мечот во Казахстан, Реал Мадрид конечно успеа да погоди од игра, а Килијан Мбапе со хет-трик беше лидер во победата од 0-5. Останатите два гола за „кралевите“ беа дело на Камавинга и Дијас.
На вториот меч кој се играше од 18:45 часот, Аталанта со пресврт го победи Бриж со 2-1. Гостите од Белгија дојдоа во водство преку Цолис во 38-мата минута, но Самарџиќ од пенал во 74-тата и Пашалиќ во 87-мата минута се погрижија бодовите да останат во Бергамо.
