Реал Мадрид утре му гостува на Алавас, меч кој може да биде одлучувачки за судбината на Чаби Алонсо. Евентуален неуспех ќе значи и тренерска смена на клупата на „кралевите“.
Барселона веќе има четири поени предност, а денес игра домашен меч против Осасуна, на кој се очекува да победи, па притисокот врз „кралевите“ дополнително расте.
Чаби Алонсо се соочува со големи проблеми, бидејќи против Алавес нема да може да смета дури на единаесетмина фудбалери, а само двајца од десетте дефанзивци се подготвени за игра.
Против Алавес нема да играат Трент Александер-Арнолд, Дани Карвахал, Давид Алаба, Едер Милитао, Антонио Ридигер, Алваро Карерас, Фран Гарсија, Ферлан Менди, Едуардо Камавинга, Килијан Мбапе и Ендрик, а Чаби Алонсо во дефанзивната линија ќе може да смета само на Асенсио и Хујсен.
