Реал Мадрид во финалето од Лигата на шампионите против Борусија Дортмунд ќе биде без голманот Андриј Лунин, кој е еден од хероите и најзаслужните што Кралевите дојдоа на чекор од трофејот.
Украинецот не тренираше поради вироза, па се приклучи на тренинзите, но Карло Анчелоти одлучи тој да тренира индивидуално за да го заштити остатокот од екипата од можна зараза. Конечната одлука на Анчелоти е Лунин воопшто да не патува за Лондон, а се очекува Куртоа да застане меѓу стативите во финалето на „Вембли“.
