Реал Мадрид се подготвува за дуелот против градскиот ривал Атлетико во полуфиналето на Суперкупот на Шпанија, но јасно е дека Кралевите ќе бидат без својот најдобар играч.
Килијан Мбапе има повреда на коленото и ќе паузира во следните три недели, што значи дека нема да биде во составот, во битката за првиот трофеј сезонава. Францускиот голгетер има феноменална сезона и во 24 меча во сите натпреварувања постигна 29 голови.
Мбапе не играше и на мечот против Бетис, но Реал убедливо славеше со 5:1, а прва ѕвезда на теренот беше 21-годишниот Гонзало Гарсија кој постигна хе-трик.
