Проблемите за Чаби Алонсо и Реал Мадрид се сѐ поголеми. Кралскиот клуб не успеа да победи викендов во Ла Лига против Елче, а нема да ја има помошта на првиот голман Тибо Куртоа на утрешниот натпревар против Олимпијакос во Лигата на шампионите.
Белгискиот голман пати од гастроентеритис и нема да биде дел од составот на Чаби Алонсо на гостувањето во Грција.
Ова е шанса за Украинецот Андриј Лунин, кој првпат ќе застане на голот на Реал Мадрид оваа сезона.
