Реал Мадрид се обидува да го ангажира Садио Мане, но веднаш доби кралска контра од Ливерпул. „Црвените“ одговорија дека Сенегалецот не е за продажба и веднаш прашаа колку чини Винисиус јуниор. Крилото на Реал Мадрид моментно не игра бидејќи е повреден, но остави силен впечаток во дебитантската сезона што ја игра за Кралскиот клуб од Мадрид.
Реал ќе прави голема реконструкција на составот, тоа го најави и тренерот Зинедин Зидан, а една од желбите е да се ангажира извонредниот напаѓач на Ливерпул, Садио Мане.
Но, како што тргнало, „црвените“ не се даваат толку лесно, тие имаат амбиции да го задржат и засилат тимот, па Реал треба да се чува од опасната контра на Ливерпул и особено да внимава да не остане без талентираниот Бразилец Винисиус јуниор.
