Шпанскиот гигант Реал Мадрид планира да го ангажира младиот фудбалер на Елче, Родриго Мендоза, пишуваат медиумите на Пиринеите.
Во моментов тој го претставува националниот тим на Шпанија на Светското првенство за играчи до 20 години и забележа асистенција во победата од 1-0 против Украина.
Се смета дека шпанскиот играч го следат неколку големи клубови, но според „Дефенса сентрал“, тој е главна цел на Кралскиот клуб. Мендоза има договор со Елче до јуни 2028 година, а неговата клаузула за откуп изнесува само 20 милиони евра.
Дваесетгодишниот фудбалер дебитираше во првиот тим на Елче во 2022 година и оттогаш има одиграно 56 натпревари во сите натпреварувања, постигнувајќи пет гола и две асистенции. Повеќето од настапите на Мендоса се во второлигашка конкуренција, каде што одигра 44 натпревари, но веќе има и пет настапи во Ла Лига, вклучувајќи еден гол.
