Дисциплинската комисија на УЕФА му изрече казна на Реал Мадрид за хомофобични навреди упатени кон Пеп Гвардиола на мечот против Манчестер сити (3-1) одигран на „Сантијаго Бернабе“.
„Кралскиот“ клуб заработи и условна казна од две години, па доколку ваков инцидент се повтори во овој временски период, ќе следи и затворање на дел од стадионот. Реал Мадрид на следниот домашен меч од Лигата на шампионите ќе мора да остави најмалку 500 столчиња празни, како дел од казната која им ја изрече УЕФА.
