Голот на Карим Бензема во судиското продолжение против Челзи, што му донесе пласман на Реал Мадрид во полуфиналето во Лигата на шампионите, беше јубилеен 500-ти за Кралскиот клуб, кој е најефикасен клуб во 21 век.
Бензема погоди во 96-тата минута, или шеста во првото продолжение против Челзи и тој гол беше и клучен и јубилеен.
Реал го загуби реваншот во Мадрид со 2:3, но имаше гол повеќе во завршниот биланс од одличниот двомеч со Челзи и ќе игра во полуфиналето во Лигата на шампионите, против Манчестер сити, или Атлетико Мадрид.
Кралскиот клуб со 500 голови на 237 натпревари е најефикасен клуб во натпреварите од Лигата на шампионите во овој милениум.
Зад него е Баерн Минхен со 476 погодоци на 219 натпревари, па Барселона со 432 на 221 меч, а Топ-5 го заокружуваат два англиски тима, Челзи со 300 голови на 173 натпревари и Манчестер јунајтед со 298 погодоци на 181 одигран натпревар во 21 век во Лигата на шампионите.
