Реал Мадрид е првиот финалист во Супер купот на Шпанија откако во драматичен меч, дури по подобро изведување на пеналите, ја елиминира Валенсија. Во регуларниот дел, мечот заврши 1:1, така остана и по 120 минути, а на пенали, Реал славеше со 4:3.
Реал Мадрид поведе со голот на Карим Бензема од пенал во 39-тата минута, но Валенсија израмни на почетокот на вториот дел со погодокот на Лино. Статистички Реал имаше поголема иницијатива, но Кралевите не успеаја да постигнат втор гол не само до крајот на 90 минути, туку и во дополнителните 30 минути, па пенал-рулетот беше тој што решаваше.
Во пенал-серијата први шутираа играчите на Валенсија. Кавани погоди за 1:0, а Бензема беше прецизен за 1:1. Во втората серија Чемерт за Валенсија шутираше над голот, а Модриќ погоди за 2:1 за Реал. Мориба беше прецизен во третата серија за Валенсија, а Крос донесе нова предност за Реал од 3:2.
Во четвртата серија, Гилјамон погоди за Валенсија, а Асенсио беше прецизен за 4:3, а во петтата серија капитенот на Валенсија, Гаја, промаши и Реал Мадрид се радуваше на победа.
