Реал Мадрид го увери шпанскиот фудбалер Алваро Карерас дека ќе го доведе по секоја цена, иако сè уште не постигнале договор со неговиот сегашен клуб Бенфика, објави шпанскиот весник „Марка“.
Реал Мадрид имаше намера да ги обезбеди услугите на 22-годишниот Карерас пред Светското клупско првенство, но наместо тоа, Карерас на турнирот во Соединетите Американски Држави ќе игра во дресот на Бенфика.
Едно од експлицитните барања на новиот тренер на Мадрид, Чаби Алонсо, беше тимот да потпише нов лев бек, а Реал Мадрид веќе три недели е во интензивни преговори со Бенфика за услугите на Карерас.
Со оглед на тоа што претседателот на Бенфика, Руи Коста, не доби поддршка од другите членови на одборот, а неговите буџетски планови беа одбиени, Реал верува дека би можеле да го искористат ова за да се договорат за цената.
Сепак, Бенфика го вклучи Алваро Карерас во својот состав за претстојното Светско клупско првенство. Дефанзивецот ќе се упати кон САД со своите сегашни соиграчи, во исчекување на преговорите меѓу Реал Мадрид и клубот од Лисабон.
