Повредата која ја здоби Килијан Мбапе на натпреварот Аталанта – Реал Мадрид најверојатно ќе го спречи францускиот напаѓач в среда да игра во финалето на Интерконтиненталниот куп, каде што Реал ќе се сретне со Пачука од Мексико или Ал-Ахли од Египет.
Од Реал потврдија дека Мбапе има мускулна повреда на левата нога. Ваквиот тип на повреди бараат пауза од десетина дена.
Ова значи дека Мбапе нема да игра в сабота, на гостувањето против Рајо Валјекано од шпанската лига, а ќе му биде потребно чудо за да игра на 18-ти во финалето, на кое Реал ќе брка нов трофеј (финалето се игра осум дена по повредата). Веројатно Мбапе ќе патува со тимот во Доха, а би ризикувал и би влегол само ако има голема потреба.
На листата на повредени кај Реал се: Карвахал, Алаба, Милитао, Менди и Мбапе, а утре ќе знае дали на таа листа ќе биде и Камавинга или ќе се врати на терените за дуелот со Рајо.
