Европскиот првак Реал Мадрид се интересира за дефанзивецот на Борусија Дортмунд, Нико Шлотербек, тврди “Билд”. Тој одигра одлична сезона за тимот на Милионерите, имајќи клучна улога за пласманот до финалето на Лигата на шампионите, кое го загубија токму од Кралевите.
24-годишниот централен дефанзивец имаше впечатливи статистички показатели во текот на сезоната, завршувајќи на прво место во Бундеслигата по бројот на лизгачки стартови (70), пресечени топки (45), расчистени опасности пред својот гол (97) и освоени топки во своето поле (155). Токму тоа го привлече вниманието на Реал Мадрид, кој сериозно размислува да го доведе во своите редови.
Сепак, Реал не е единствениот клуб кој се интересира за Германецот. Тој е следен и од Арсенал и Ливерпул.
Шлотербек дојде во Борусија Дортмунд од Фрајбург во 2022 година за 20 милиони евра. Тој има договор до 2027 година, а моментно неговата цена е околу 40 милиони евра.
Дефанзивецот е и репрезентативец на Германија со 14 одиграни натпревари, а беше дел од тимот и на изминатото ЕВРО 2024.
Реал Мадрид во моментот има интерес и за уште двајца германски репрезентативци, Флоријан Вирц од Баер Леверкузен и Џошуа Кимих од Баерн Минхен.
