Реал Мадрид без многу проблеми со 3:0 го победи Елче на гости и со тоа шпанскиот гигант ја продолжи перфектната низа од шест победи по ред на гостински терен во првенството. Кралевите само уште во 1991 година имале шест победи по ред на туѓ терен од стартот на една сезона.
На синоќешното гостување кај Елче, освен трите гола, Реал даде уште три погодоци, но тие беа поништени по реакција на ВАР-системот. Два од поништените гола беа на Бензема, а еднаш за џабе се израдува Давид Алаба.
Ова е првпат во историјата на шпанското првенство еден тим да има три поништени погодоци на еден меч по сигнализација на ВАР-системот.
