Реал Мадрид го урна рекордот за најголем приход за една година. Крелевите го објави својот финансиски извештај за сезоната 2023/24, од кој се гледа дека клубот надмина приходи од една милијарда евра.
Приходите на клубот, исклучувајќи ги трансферите на играчи, достигнаа 1,073 милијарди евра, што е 27 проценти зголемување во споредба со претходната година, и покрај тековните реновирања на стадионот „Сантијаго Бернабеу“.
Реал Мадрид исто така пријави добивка од 16 милиони евра за фискалната година, со нето вредност од 574 милиони евра и нето долг од само 8 милиони евра до 30 јуни 2024 година. Тие тврдат дека се првиот фудбалски клуб со приходи над една милијарда евра.
Во изминатата сезона Реал уживаше и значителни успеси на теренот, освојувајќи ја титулата во Лигата на шампионите, шестата во оваа деценија, заедно со Ла Лига и Суперкупот на Шпанија. Кошаркарскиот тим исто така се истакна, освојувајќи ја титулата во шпанската лига.
