Фудбалерите на Реал Мадрид и трет натпревар по ред одиграа нерешено во Ла Лига, а тоа значи дека Барселона е лидер на табелата по 14 првенствени кола.
„Кралевите“ се сопнаа и во Каталонија, па одиграа само 1-1 против Жирона. Домашните дојдоа во водство со прекрасниот гол на Азедин Унаи во 45-тата минута, а Реал Мадрид се спаси од пораз во 67-мата минута со голот на Килијан Мбапе од пенал.
Барселона останува на лидерската позиција со 34 бода, еден повеќе од Реал Мадрид. На третата позиција е Виљареал со 32 поени, а еден помалку има четвртопласираниот Атлетико Мадрид.
