Реал Мадрид со многу мака успеа да освои три бода на домашен терен против Леганес славејќи со 3-2. Кралевите на полувреме имаа негатива (1-2), но на крајот Килијан Мбапе ја заврши работата и го остави својот тим во трка за шампионската титула. Сега Реал има 63 бода, исто како и лидерот Барселона, кој има одиграно еден натпревар помалку.
Килијан Мбапе во 32-та минута донесе водство за Реал од пенал, но веќе во следниот напад Леганес возврати преку Диего Гарсија.
Дани Раба во 41-та минута погоди уште еднаш и го шокираше „Сантијаго Бернабеу“, па тимот на Карло Амчелоти мораше да мачи во вториот дел за да стигне до планираните бодови.
Џуд Белингам во 47-та минута успеа да израмни, а Килијан Мбапе со прекрасен гол од слободен удар се погрижи за пресврт во 76-та минута.
