Реал Мадрид планира да ја засили одбраната на својот тим во претстојниот летен трансфер-прозорец, а една од главните цели останува Ибрахима Конате од Ливерпул. Шпанскиот гигант претходно не беше активен во обидите да го доведе Конате оваа сезона, но сега ова повторно е на дневен ред, тврди весникот „Мундо депортиво“.
Тековниот договор на 26-годишниот дефанзивец истекува на крајот на сезоната, а тој сè уште не одлучил каде сака да ја продолжи кариерата.
Вратата за продолжување на договорот со Ливерпул не е целосно затворена, но веројатноста станува сè помала.
Во Реал Мадрид се надеваат дека Конате ќе се врати во најдобра форма и може да биде од голема корист за Кралевите доколку биде доведен во летото.
Доведувањето на Конате како слободен агент би било одлична зделка, а истовремено би овозможило повеќе средства да се искористат за други позиции во тимот.
