Реал Мадрид продолжува во чекор да ја следи Барселона, па откако „каталонците“ во вторникот победија со 1-0 над Мајорка, „кралевите“ со истиот резултат славеа на гостувањето кај локалниот ривал Хетафе.
Единствениот гол на мечот беше дело на Арда Ѓулер во 21-вата минута, кој упати вистинска бомба кон противничкиот гол, а Сориа иако успеа да дојде до топката, таа заврши позади неговиот грб.
Изненадувачки, Хетафе упати повеќе удари кон противничкиот гол и тоа дури 20, наспроти 14 кои ги упатија фудбалерите на Реал.
На табелата во водство е Барселона со 76 бода, додека „кралевите“ сега се вратија на минус четири , односно имаат 72 поени. До крајот на Ла Лига остануваат уште пет кола.
