Кошаркарите на Реал Мадрид успеаја да стигнат до првиот трофеј оваа сезона, откако во финалето на Супер купот на Шпанија ја совладаа Уникаха со 88-81.
Натпреварот во Мурсија започна израмнето и “кралскиот“ клуб го доби првиот период со само четири поени предност. Во втората четвртина одличен беше Муса кој му донесе на Реал предност од +13 на полувремето, односно 44-31.
Кога се чинеше дека Реал лесно ќе дојде до трофејот, екипата од Малага го доби третиот период со 25-17, а на стартот од последниот период и да израмни на 66-66. Сепак, финишот им припадна на “кралевите“ што им донесе нов пехар во клупските витрини.
Најефикасен на мечот беше Кампацо со 18 поени.
