Реал Мадрид објави дека Англичанецот Џад Белингам нема да игра на вечерашниот меч со Валенсија, затоа што повредата на рамото која ја здоби пред една недела против Рајо Валјекано, не е целосно санирана.
Белингам е прв стрелец на Реал сезонава и неговото неиграње е хендикеп, иако и без него во средата убедливо ја совладаа Брага со 3-0 во Лигата на шампионите.
Освен Белингам, кај Реал ќе ги нема и повредениот Кепа и суспендираниот Ридигер. За девет дена Англија треба да гостува во Скопје, и засега не се знае дали Белингам ќе игра за репрезентацијата или ќе добие поштеда со оглед на тоа дека Гордиот Албион има обезбедено место на ЕП 2024.
