Во мечот да се биде или не, Реал Мадрид излезе како победник на гостувањето кај Интер и конечно успеа да се радува на „Џузепе Меаца“.
Дури во 16-тото гостување на култниот стадион во Милано, Кралевите обезбедија победа, а претходно во 15 дуели против Интер и Милан, дури 10 пати беа поразени, а во пет наврати издвоија реми.
Првото гостување за Реал на „Меаца“, односно на „Сан Сиро“ кога игра Милан, беше на 1 мај 1956 година, во повратниот полуфинален меч во кој Росонерите славеа со 2-1, во рамките од тогашниот Европски куп.
