Реал Мадрид славеше против Гранада во дуел на екипи кои беа на првите две позиции во пресрет на ова коло во Примера дивисион. Кралскиот клуб одлично го отвори мечот и со голот на Карим Бензема во 2 минута поведе со 1:0. Пред крајот на првиот дел погоди и Еден Азар за 2:0, а во 61 минута веќе беше 3:0 благодарение на погодокот на Лука Модриќ.
И кога се мислеше дека Реал рутински ќе ги одработи последните 30 минути, Гранада се разигра. По еден кикс на голманот Ареола, беше досуден пенал за гостите, а Мачис реализираше. На 12 минути пред крајот, Дуарте погоди за 2:3 и неизвесна завршница.
Нешто слично Реал одигра и против Леванте пред 20-тина дена, кога водеше со 3:0, а на крајот заврши 3:2. Овојпат, Реал даде и четврти погодок и тоа благодарение на резервистот Родригез кој влезе во игра во 83 минута.
