Англиската судијка Ребека Велч ќе испише историја, таа ќе биде првата жена која ќе суди натпревар во Премиер лигата, објави денеска Англиската фудбалска федерација.
Четириесетгодишната Велч е делегирана да биде главен судија на натпреварот меѓу Фулам и Барнли, кој ќе се игра на 23 декември во Лондон.
Таа е 2015 година на листата на ФИФА на меѓународни судијки, а годинава судеше на натпреварите од Светското првенство во женска конкуренција.
https://twitter.com/i/status/1735334257017458740
Велч има искуство од судење натпревари на машки екипи, досега ја делела правдата на натпревари во ФА и Лига купот, а во Премиер лигата на дуелот, кој се играше на четврти ноември меѓу Фулам и Манчестер јунајтед беше четврти судија.
