Трета пол-позиција за Макс Ферстапен сезонава, но оваа му е омилена на Холанѓанецот, бидејќи како пилот на австрискиот тим Ред Бул, успеа да извози најбрзо на патеката „Ред Бул ринг“ во Шпилберг која се вози во Австрија за големата награда на Штирија.
После неколку години полни со разочарувања и неуспеси на патеката во Австрија, конечно првпат еден пилот на Ред Бул се најде на пол-позицијата. Луис Хамилтон ќе тргне од втората позиција, а трети е Валтери Ботас.
