Еден од најценетите фудбалски стручњаци во Англија, Хари Реднап, даде свое мислење околу четвртфиналната битка на ЕВРО 2020 помеѓу Англија и Украина која ќе се одвива в сабота вечер во Рим. Поранешниот тренер на многу англиски премиерлигаши верува дека репрезентацијата на Англија е голем фаворит.
„Мора да признаам, ќе бидам многу изненаден ако Англија не ја победи Украина. Тоа би било огромно разочарување. Мило ми е што Украинците дојдоа до тука, ова е големо достигнување за нив, имаа и среќа против Шведска, а жал ми е за играчот (Беседин н.з.) кој се здоби со тешка повреда. Во четвртиналето ќе им биде тешко, Англија има многу подобри играчи. Ја победивме Германија, а не играа Рашфорд, Фоден, Маунт, Санчо. Можеби ако играше Шевченко, Украина ќе имаше шанси за полуфинале“, изјави Реднап.
