Ѕвездата на Далас маверикс, младиот Словенец Лука Дончиќ, имаше „блиска средба“ со една од камерите кои се движат по шини и ги снимаат мечевите од подготвителниот период во НБА-лигата. Малку фалеше Лука да се здобие со бизарна повреда.
Дончиќ се стрча кон аут-линијата за да ја фати топката која одеше во аут, а инерцијата го натера да се навали преку рекламите. Но, во тој момент кон него одеше камерата и таа не застана, туку продолжи да „вози“ кон Дончиќ. За среќа, тој ја виде и во последен момент со рефлексна реакција се помести наназад.
Никој не сака да прогнозира што ќе се случеше ако камерата во движење удреше во лицето на Лука.
https://twitter.com/i/status/1288298633004118016
