Дрис Мертенс стави потпис на нов договор со Наполи, според кој Белгиецот ќе се задржи на „Сан Паоло“ до 2022 година. На клупскиот рекордер по бројот на погодоци му истекуваше договорот по крајот на овој месец, па наместо преселба, тој одлучи да остане во Неапол во наредните две години.
Искусниот белгиски офанзивец изминатиов период се поврзуваше со преселба на „Џузепе Меаца“, Интер силно загриза да ги добие неговите услуги, меѓутоа Мертенс, на радост на навивачите, и во иднина ќе му биде соиграч на Елиф Елмас.
Од 2013 година па наваму, Мертес запиша 310 настапи, во кои реализира 122 погодоци и моментално е прв стрелец во историјата на Наполи.
https://twitter.com/sscnapoli/status/1273255623849840640
