Кадетската фудбалска репрезентација на Македонија за играчи до 17 години имаше лош старт на квалификацискиот турнир кој се игра во Малта откако попладнево доживеа висок пораз од директниот конкурент за втората позиција, Словачка, со 0-4.
Победникот на натпреварот беше решен уште во првото полувреме, по кое Словаците имаа убедливи 0-3. Во второто полувреме селекторот Дашмир Беари се обиде со офанзивна формација да спаси што може да се спаси на овој натпревар, но едноставно противникот беше поквалитетен.
Со овој пораз речиси згаснаа надежите дека Македонија може да дојде до пласман во Елитната рунда од квалификациите, со оглед на тоа дека следен противник ни е Шпанија, која денес го победи домаќинот на турнирот, Малта, со убедливи 7-0.
