Иднината на Лионел Меси во Пари Сен Жермен е главна тема веќе подолг период во францускиот фудбал, а според денешните последни информации, Аргентинецот веќе може да почне да ги пакува куферите за заминување од Париз.
На последниот состанок меѓу Меси и челниците на ПСЖ, фудбалерот поставил неверојатни услови за да остане на „Паркот на принцовите“.
„ПСЖ веќе 100 отсто планира во следната сезона да биде без Лионел Меси. Се чувствува дека преговорите за евентуален нов договор се завршени затоа што Меси сака повеќе пари, но не сака јавно тоа да го признае“, тврдат француските медиуми.
🚨 PSG are now 100% planning next season without Leo Messi.
They feel contract talks over a new deal have broken down because Messi wants more money but the Argentine’s entourage deny that.
(Source: @Le_Parisien) pic.twitter.com/IYlqSz240O
— Transfer News Live (@DeadlineDayLive) April 25, 2023
Пред неколку дена Меси беше снимен како полека ги враќа своите лични работи од Париз во Барселона, што значи дека се очекува ова лето да се случи негова целосна преселба во каталонската престолнина.
Меси во Барселона помина повеќе од 20 години, кога пред две години одлучи да си замине од „Камп ноу“. Две сезони е дел од ПСЖ, но сега е многу веројатно дека од следната сезона повторно ќе го гледаме во дресот на каталонскиот гигант.
