Во текот на полуфиналето од плејофот во Прва футсал лига на Босна и Херцеговина, на дуелот меѓу Мујо Хрњица Велика Кладуша и МНК Каскада Грачаница, победи домашниот тим со 8:4. Сепак, резултатот од овој меч остана во втор план, и тоа поради тоа што се случи по мечот.
За време на натпреварот имало некои контроверзни судиски одлуки кои предизвикале негодување кај гледачите, па имало и помали инциденти. Во еден момент од трибините бил фрлен предмет, момент кој го забележал делегатот, а домашниот тим заработил казна.
Од клубот на Мујо Хрњица Велика Кладуша јавно побарале навивачот кој го направил инцидентот да се пријави и да си ја плати казната. За чудо, еден навивач се пријавил дека е виновен затоа што фрлил предмет на теренот, велејќи дека тоа го направил во афект и дека бил „понесен“ од атмосферата. Тој се извинил и ветил дека нема веќе да му се повтори таков испад.
Во овој меч санкции имало и за судиската двојка која направила пропусти во делењето на правдата.
