Новата сезона во Премиер лигата ќе донесе ново револуционерно правило кое се однесува на фудбалерите кои ќе бидат заменети. Тие по напуштањето на теренот ќе имаат дополнителна обврска, а таа се однесува кон носителот на медиумските права во Англија, Скај спортс.
Заменетите фудбалери најпрво ќе мора да дадат изјава за медиумот, а дури потоа ќе може да се упатат кон соблекувалната или кон клупата со резервни фудбалери. Истовремено Скај спортс ќе има неограничено право да влегува во соблекувалните на екипите и да снима, освен во моментите кога тренерите ќе имаат состанок со фудбалерите.
